Markaðurinn fyrir nýorkubíla (rafbíla og tengiltvinnbíla) í Austur-Evrópu er að vaxa mjög hratt, en hann er mun minni í samanburði við Norður- og Vestur-Evrópu, sérstaklega þegar litið er til markaðshlutdeildar af nýskráningum.
Þjóðir í Norður- og Vestur-Evrópa eru langfremstar
Þjóðir í Norður- og Vestur-Evrópa eru langfremstar hvað varðar hlutfall nýorkubíla af nýskráningum.Noregur er í sérflokki, en þar eru nýorkubílar oft yfir 90% af nýskráningum. Á eftir koma aðrar Norðurlandaþjóðir eins og Danmörk, Svíþjóð, Finnland og Ísland, þar sem hlutfallið er oft um 70-80% eins og þróunin hefur verið hér á landi á þessu ári.
Stærstu markaðir í löndum Evrópusambandsins eins og Þýskaland, Frakkland og Holland eru með stærstan fjölda nýorkubíla en með lægri markaðshlutdeild en Norðurlöndin.
Markaðshlutdeild er mun lægri í Austur-Evrópu
Í Austur-Evrópa er markaðshlutdeild er mun lægri en í Vestur-Evrópu og er oft undir meðaltali ESB. Þrátt fyrir það sýna tölur að skráningar nýorkubíla í mörgum Austur-Evrópulöndum eru að vaxa á ótrúlegum hraða, oft með þreföldun (eða jafnvel meira) á milli ára í löndum eins og Póllandi, Slóveníu og Slóvakíu. Lönd eins og Búlgaría, Rúmenía og Króatía hafa einnig sýnt mikinn vöxt í skráningum, þótt þau séu enn með litla heildarhlutdeild.
Vestur-Evrópa leiðir í heildarfjölda nýskráðra rafmagnsbíla. Til dæmis eru um 65% af nýjum rafhlöðubílum í ESB skráð í stærstu fjórum mörkuðunum (Þýskalandi, Belgíu, Hollandi og Frakklandi).
Á meðan lönd í Norður- og Vestur-Evrópu eru leiðandi í heimi hvað varðar markaðshlutdeild þá er Austur-Evrópa að sýna mestan hlutfallslegan vöxt í skráningum nýorkubíla. Munurinn á markaðshlutdeild endurspeglar oft mun á efnahagslegu ástandi, opinberum hvötum og uppbyggingu hleðsluinnviða.
Staða Rússlands á rafbílamarkaði
Markaðshlutdeild rafbíla í Rússlandi er mjög lítil og hefur verið á eftir bæði Vestur- og meirihluta Austur-Evrópu. Hlutfallið af nýskráningum er yfirleitt vel undir 1%, oftast nær 0,2-0,5%, eða jafnvel minna áður en nýlegur vöxtur hófst.
Þrátt fyrir lága heildarhlutdeild hefur Rússland séð mjög mikinn hlutfallslegan vöxt í sölu rafbíla á undanförnum sem bendir til þess að markaðurinn sé að taka við sér, þótt hann sé seint í samanburði við Evrópu.
Heildarfjöldi nýorkubíla í Rússlandi er mun lægri en í stórum mörkuðum Vestur-Evrópu. Árið 2023 voru til dæmis fleiri rafbílar seldir í litlum ESB löndum en í Rússlandi. Þrátt fyrir að stjórnvöld hafi sett sér markmið um að efla innviði og framleiðslu á rafbílum, þá er hleðslunet oft dreifðara og minna þróað, sérstaklega utan stærstu borga eins og Moskvu og Sankti Pétursborgar, sem er stór hindrun.
Eftir að vestrænir bílaframleiðendur drógu sig út af rússneska markaðnum, hefur innflutningur á rafbílum, sérstaklega frá Kína, aukist til muna og knýr nú vöxtinn áfram. Rússland hefur einnig áform um að hefja umfangsmikla innlenda framleiðslu.
