Sveitarfélögin nota ekki þá fjármuni í danska vegakerfið þar sem þörf er á. Það er dýr sparnaður þegar upp er staðið og það eiga ökumenn og skattgreiðendur að hafa í huga fyrir komandi sveitarstjórnarkosningar að því er fram kemur á FDM vef Félags danskra bifreiðaeigenda.
Fram kemur að alltof margir vegir sveitarfélaga bera skýr merki um margra ára vanrækslu í viðhaldi. Slit á malbiki, fullt af holum, sprungum og neyðarlegum bótum eftir fjölmargar jarðvegsframkvæmdir er frekar reglan en undantekningin.
Það hefur ýmsar afleiðingar að sveitarfélögin vanrækja vegina. Auk þess augljósa, að holóttir og ójafnir vegir eru óþægilegri yfirferðar, bitnar þetta einnig á umferðaröryggi – sérstaklega fyrir ökutæki á tveimur hjólum. Vegur með hrjúfu, slitnu yfirborði, fullur af „örum“ og bótum, eykur einnig umferðarhávaða og orkunotkun, sem við annars vinnum að því að draga úr.
Dýrt að fresta viðhaldi
Þegar sveitarstjórnir ár eftir ár samt sem áður vanrækja vegamálin, er það varla af illum ásetningi, heldur merki um skammtíma fjárhagslega hagræðingu. Enginn vafi leikur á því að fjárhagsáætlanir sveitarfélaganna eru þröngar. En þótt danska þingið stýri af hörku hversu miklu af eigin fjármunum sveitarfélögin mega í raun verja, og þótt sveitarfélögin þurfi að uppfylla margar landsgildandi kröfur, þá er ennþá mikil staðbundin pólitísk ábyrgð á forgangsröðun.
Þar er það hlutverk sveitarfélagsins að hafa eftirlit og tryggja að eigendur lagna og framkvæmdaraðilar endurheimti yfirborð vegarins þannig að ástand hans, og ekki síst endingartími, haldist óbreyttur. FDM hefur séð ótal dæmi þess að þetta er ekki gert, og þá lendir reikningurinn á endanum á skattgreiðendum sveitarfélagsins. Það er ekki sanngjarnt að því er fram kemur. Sveitastjórnarkosningar í Danmörku verða 18. nóvember nk.
