Ákveðið neyðarástand ríkir í innviða- og vegakerfi landsins, að mati Runólfs Ólafssonar, framkvæmdastjóra Félags íslenskra bifreiðaeigenda. Hann segir alltof algengt að bikblæðingar verði á bæði veturna og sumrin. Hann kallar eftir því að notað verði malbik frekar en klæðning á vegi landsins.
Í samtali við Morgunblaðið segir Runólfur mjög algengt að tilkynna þurfi tjón til tryggingafélaga vegna bikblæðinga.
Mikið hefur verið um bikblæðingar á síðustu vikum vegna sólar og hlýinda. Flestar tilkynningar um bikblæðingar hafa komið af Vesturlandi.
FÍB hefur áhyggjur af stöðu mála
Runólfur Ólafsson framkvæmdastjóri FÍB segir við Morgunblaðið að félagið hafi miklar áhyggjur af stöðu mála, blæðingarnar séu mikið vandamál. Þær séu orðnar alltof algengar og verði bæði á veturna og sumrin. Hann segir mjög algengt að tilkynna þurfi tjón til tryggingarfélaga vegna afleiðinga bikblæðinganna.
Runólfur segir ákveðið neyðarástand ríkja í innviða- og vegakerfinu hérlendis og vill að malbik verði notað frekar en klæðning.
Bergþóra Kristinsdóttir, framkvæmdastjóri þjónustusviðs Vegagerðarinnar, segir við Morgunblaðið að tilkynningar einnig hafa borist frá Austurlandi, Norðurlandi og uppsveitum Suðurlands. Hún segir malbik fimm sinnum dýrara en klæðningu og að ekki fáist fjármagn til að malbika allt vegakerfið.
Bergþóra brýnir fyrir fólki að aka hægt um svæði þar sem bikblæðingar eru og tilkynna til Vegagerðarinnar ef það verður vart við blæðingar.
