Evrópulöndin eru almennt séð með öruggustu vegakerfi í heimi, þótt það sé töluverður munur á milli svæða í þeim efnum. Þegar dánartíðni í umferðinni er mæld miðað við milljón íbúa standa Norðurlöndin og ákveðin ríki í Vestur-Evrópu upp úr sem öruggustu staðirnir.
Samkvæmt nýjustu bráðabirgðatölum Evrópusambandsins eru öruggustu löndin Svíþjóð og Noregur. Þau hafa um árabil verið með fæst banaslys, eða um 20 dauðsföll á hverja milljón íbúa. Ísland stendur sig sömuleiðis mjög vel og er í efstu röð með um 21 dauðsfall á milljón íbúa þótt tölur sveiflist aðeins á milli ára vegna fámennis. Danmörk og Sviss fylgja fast á eftir með um 23 til 24 dauðsföll á milljón íbúa.
Til samanburðar er meðaltalið innan ESB um 43 dauðsföll á milljón íbúa, en hæsta hlutfallið er í Rúmeníu, Búlgaríu og Króatíu þar sem talan fer upp í 65–70.
Stefna Evrópu í öryggismálum
Framtíðarsýn Evrópusambandsins og Norðurlandanna kallast Vision Zero (Núllsýnin). Eins og nafnið gefur til kynna er lokamarkmiðið skýrt: Enginn á að deyja eða slasast alvarlega í umferðinni í Evrópu árið 2050.
Millimarkmið er að fækka banaslysum og alvarlegum slysum um 50% fyrir árið 2030 miðað við árið 2019. Til að ná þessu er unnið eftir hugmyndafræði sem kallast “Safe System“. Sú nálgun viðurkennir að fólk gerir mistök og þess vegna verði innviðirnir og tæknin að vera hönnuð þannig að mistök leiði ekki til dauða.
Ný tækni og kröfur í bílum
Bílar sem seldir eru í Evrópu þurfa nú að uppfylla mun strangari öryggiskröfur en áður. ESB hefur innleitt reglur sem gera margvíslegan snjallbúnað skyldubundinn í nýjum bílum. Þar má nefna snjallhraðastýring sem les umferðarskilti og lætur ökumanninn vita með hljóði eða mótstöðu í pedala ef hann fer yfir löglegan hraða. Bíllinn bremsar sjálfur ef skynjarar og myndavélar greina gangandi vegfaranda, hjólreiðamann eða annan bíl í hættu.
Fylgst með augnhreyfingum
Þá er aukin svokölluð athyglisvöktun en það er kerfi sem fylgjast með augnhreyfingum eða aksturslagi. Þau átta sig á ef ökumaðurinn er með athyglina annað, t.d. í símanum. Svo er það svonefndur „Svarti kassinn“ en nýir bílar skrá gögn stuttu fyrir og eftir árekstur, sem hjálpar við að rannsaka slys og bæta öryggi í framtíðinni.
Að auki er unnið að hertari reglum eins og samræmdu ökuleysisbanni innan ESB ef ökumaður missir prófið vegna glannaskapar í einu landi, gildir bannið um alla Evrópu og strangari reglum um reynslutíma fyrir nýja ökumenn.
