40% landsmanna vilja hafa tvö bílastæði við íbúð sína eða fasteign. 26% vilja eitt bílastæði og 17% vilja þrjú stæði. Fleiri vilja fá fjögur bílastæði við fasteign sína en ekkert. 14% vilja fjögur stæði en aðeins 4% vilja vera án bílastæðis, samkvæmt könnuninni.
Þetta kemur fram í könnun Prósent sem unnin var fyrir Húsnæðis- og mannvirkjagerð HMS. Um er að ræða netkönnun sem lögð var fyrir 4.100 einstaklinga, 18 ára og eldri, úr könnunarhópi Prósents. Gögnum var safnað með tveimur spurningavögnum í mars 2026. Sá fyrri varði frá 6. til 20. mars og sá síðari frá 12. til 28. mars. Alls bárust 2.038 svör og svarhlutfallið var því 50%.
Í könnuninni kemur fram að yngsta fólkið er bæði líklegast til að vilja ekkert eða fjögur bílastæði og elstu svarendur eru því andsnúnastir að vera án bílastæðis. Fjórðungur svarenda í Kópavogi og Mosfellsbæ vill fjögur bílastæði.
Eftir því sem húsnæði fólks verður stærra og heimilisfólk fleira er það líklegra til að vilja fjögur stæði.
